Blutë e Durrësit kanë kapur trafikantin me dy emra, i dënuar me 5 vjet burg për lëndë narkotike. Burimet zyrtare të policisë bëjnë me dije se kanë arrestuar një 32-vjeçar, i cili rezultonte i shpallur në kërkim për veprimtari kriminale në fushën e narkotikëve. Elvis (Vasil) Mërtiri rezulton i dënuar me 5 vjet burg, pasi në mars të vitit 2017 është kapur me kanabis dhe kokainë.
“Forcat Operacionale në Drejtorinë Vendore të Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin Elvis (Vasil) Mërtiri, 32 vjeç, banues në Durrës, pasi Gjykata e Shkallës së Parë Durrës e ka dënuar me 5 vjet burgim për veprën penale “Prodhimi dhe shitja e lëndëve narkotike”.
Ky shtetas, më datë 13.03.2017, është kapur me një sasi lënde narkotike cannabis sativa dhe një sasi lënde narkotike kokainë”, njofton policia.
Materialet i kaluan Prokurorisë së Rrethit Gjyqësor Durrës, për veprime të mëtejshme.
