Ka rënë në prangat e autoriteteve greke një 29 vjeçar shqiptar, i cili ishte shpallur në kërkim ndërkombëtar që prej 7 vitesh.
Ai u arrestua mbrëmjen e së martës në Sparta, nga policët grekë të seksionit Evrotas.
Sipas mediave greke, mbi shqiptarin rëndon akuza për vrasje me paramendim dhe bashkëpunim, vepër kjo e kryer me 4 tetor 2012 në Shqipëri.
Po ashtu, policia njofton se 29-vjeçari, identiteti i të cilit nuk bëhet ende i ditur, ndodhej në Greqi i paligjshëm, pa dokumente. Pas arrestimit, i riu do të paraqitet në prokurorinë e Apelit në Nafplion.
