Së fundmi është kapur në Fier një 56-vjeçar që ishte në kërkim nga drejtësia italiane. Policia ka njoftuar se ka vënë në pranga shtetasin me iniciale A.D, 56 vjeç, banues në Fier.
Njoftimi i plotë i Policisë: “Vijon puna për kapjen dhe ndalimin e personave të shpallur në kërkim. Kapet një shtetas i shpallur në kërkim nga drejtësia italiane për veprën penale “Trafikimi i lëndëve narkotike”. Strukturat e Drejtorisë Vendore të Policisë Fier në bashkëpunim me Interpol Tirana, pas një pune të mirëorganizuar, bënë kapjen dhe arrestimin e përkohshëm me qëllim ekstradimin drejt Italisë të shtetasit: -A.D, 56 vjeç, banues në Fier.
Gjykata e Milanos në Itali me vendimin e datës 17.09.2007 ka lëshuar urdhër “Arrest me burg” për kryerjen e veprës penale “Trafikim i lëndëve narkotike”, parashikuar nga Kodi Penal Italian. Materialet i kaluan Prokurorisë pranë Gjykatës së Shkallës së Parë Fier për veprime të mëtejshme”.
