Burrë e grua, Ylli Seferi, 46 vjeç dhe gruaja e tij Valbona Qemalli, 45 vjeçare, kanë rënë në pranga të policisë italiane.
ANSA bën me dije se ata u arratisën pas një operacioni blic antidrogë më 31 janar, kohë në të cilën ishin gati për ekzekutim 21 urdhërarreste ndaj dy organizatave të trafikut ndërkombëtar të drogës.
Sipas policisë italiane, burrë e grua ishin pjesë e bandës që vepronte në Castellarano, në Reggiano dhe kishin një rol kyç në të.
Hetuesit kanë deklaruar se burri ishte kapoja e bandës, ishte personi që bënte paktet me trafikantet e kokainës nga Holanda.
Ishte ai qe sipas hetimeve, vendoste për çmimet dhe importet dhe mbante lidhjet direket me kreun e bandës tjetër, që trafikonte hashashin.
Ndërkohë që gruaja kishte bashkëpunim të ngushtë me të shoqin në këtë trafik. Policia ra ne gjurmët e tyre nga gjurmimi që iu bë telefonave. Pas përgjimit, ata u kapën mat teksa ishin në makinë. Kontrolli i zbuloi edhe 60 mijë euro në bagazh.
