Në pikën kufitare të Kapshticës janë kapur 21 emigrantë të paligjshëm. Policia Kufitare bën me dije se emigrantët e paligjshëm të cilët udhëtonin drejt Bilishtit, janë kapur në fshatin Vernik.
Mësohet se emigrantët e ndaluar ishin të shtetësisë iraniane, kurde dhe siriane, ku mes tyre ka pasur edhe fëmijë.
Duke iu referuar të dhënave nga Organizata Ndërkombëtare për Migracionin, numri i emigratëve që zgjedhin të kalojnë përmes Shqipërisë është shtuar vitet e fundit. Vetëm në vitin 2018, ndodhen rreth 4 mijë emigrantë të paligjshëm në vendin tonë, që presin të kalojnë kufirin.
