Tensionohet situata në Nikishiq, ashtu siç po ndodh edhe në qytetet e tjera të Malit të Zi. Serbët janë përplasur me efektivët e policisë, pasi kundërshtojnë miratimin e ligjit për Lirinë Fetare.
Situata ka dalë jashtë kontrollit në rrethrrotullimin drejt aeroportit, teksa dhjetë të rinj serbë sulmuan me fishekzjarrë policinë. Këta të fundit reaguan duke hedhur gaz lotsjellës ndaj protestuesve, duke i detyruar ata që të largohen.
Menjëherë pas incidentit, policia mori përforcime dhe filloi një kundërsulm.
Parlamenti i Malit të Zi ka miratuar një projektligj për komunitetet fetare, i cili është kundërshtuar nga opozita pro-serbe, duke ngritur shqetësimin se ky dokument mund t’i heqë Kishës Ortodokse Serbe të drejtën mbi pronësinë e pronave që administron.
