talia po përballet sërish me një gjendje kaotike për shkak të koronavirusit. Fotot që po bëjnë xhiron e mediave italiane, tregojnë radhë të gjata autoambulancash me pacientë të prekur me Covid që presin të hyjnë në spital.
Nëse gjatë valës së parë, rajonet më të prekura ishin ato të Veriut, tani situata është kritike në të gjithë Gadishullin.
Në Torino, një foto e publikuar në rrjetin social, Instagram portretizon kolonën e ambulancave me sirenat e fikura që kthehen rreth orës 10 të mbrëmjes në Corso Dante në fund të shërbimit të tyre, ndërsa në Foggia një linjë e gjatë e automjeteve të urgjencës po pret përpara spitalit.
Në 24 orët e fundit, në vendin fqinj u shënuan 835 viktima dhe 23.232 raste të reja.
Italia është një nga vendet më të prekuara në Evropë, ku prej fillimit të pandemisë deri më tani kanë humbur jetën 51,306 persona dhe janë infektuar 1,455,022 të tjerë.
