Ish-ministri i Drejtësisë, Ylli Manjani, njofton se kanë filluar lëvizjet taktike parazgjedhore.
Ai hedh dyshimet se debati për Reformën Zgjedhore, Reformën në Drejtësi, Teatri, janë lojëra të qeverisë për të mbajtur sa më larg opozitën nga zgjedhjet.
Duke bërë një bilanc të situatës aktuale, Manjani thotë se shpresa e vetme e Ramës është shmangia e opozitës nga zgjedhjet, dhe mundësisht përçarja e saj.
Ndonëse opozita kërkoi që të kishte mbledhje ditën e hënë për takimin për Reformën Zgjedhore, është vendosur që kjo mbledhje të mbahet të martën, për shkak të festës së Fiter Bajramit.
Statusi
Kanë filluar lëvizjet taktike parazgjedhore.
Tensionimi i situatës politike, shëmbja e Teatrit, debati i stisur për reformën zgjedhore, patatja e nxehtë reformës në drejtësi etj, janë lojra taktike të qeverisë për të mbajtur sa më larg të jetë e mundur opozitën nga përgatitja për zgjedhje.
Lojra me dëm ndaj publikut, për fat të keq, por ashtu janë.
Shpresa e vetme e sundimtarit është tek shmangia e opozitës nga zgjedhje dhe mundësisht përçarja e saj.
A po bie opozita në këtë grackë?!
Vendi, para së gjithash, ka nevojë për Pluralizëm, Rotacion e Demokraci.
Është radha e opozitës të tregojë se është gati…
Më në fund, kush i kërkoi ndihmë për sistemin zgjedhor ambasadores së Amerikës?!
Nuk besoj të ketë qenë një ofertë e pakërkuar…
