Kandidat i Lëvizjes Socialiste për Integrim për Tiranën, Ralf Gjoni ka denoncuar disa raste flagrante shkeljesh të punonjësve të policisë. Gjoni i beri thirrje Haki Çakos të bëjë publik emrat e punonjësve të policisë që thyejnë ligjin e të tërhiqet nga ky servilizëm partiak.
Gjoni: Inspektorë policie të veshur civil po futen nëpër qendra votimi të shoqëruar nga militantët e Rilindjes. Ky quhet ‘cubllik elektoral’ për të shantazhuar votën. I bëj thirrje Haki Çakos të bëjë publik emrat e punonjësve të policisë që thyejnë ligjin e të tërhiqet nga ky servilizëm partiak. Në të kundërt populli do mbrojë votën e tij. Policia duhet të mbrojë të drejtën e qytetarëve për t’u shprehur lirshëm, jo t’i lëpihet rilindjes. U bëj thirrje komisionerëve të mos tremben nga grahmat e fundit të rilindasve e kërkoj nga çdo qytetar i lirë të monitorojë e të denoncojë çdo rast shkeljeje apo shantazhi. Kurajë – Ora e shansit të shqiptarëve po vjen!
