Indrit Hoxha nga listat shumëemërore të Partisë Demokratike ka refuzuar të marrë mandatin e deputetit në Kuvendin e Shqipërisë.
Në momentin që kryetari i Kuvendit, Gramoz Ruçi i dha fjalën për të bërë betimin në sallën e Kuvendit, ai u shpreh nga foltorja se e refuzon.
“Refuzoj që të marr mandatin e deputetit, qeveria ka kapur sistemin e drejtësisë. Refuzoj që të marrin mandatin, pasi këtu ka hetues dhe prokurorë të sistemit diktatorial. Refuzoj që të bëhem pjesë e parlamentit, pasi këtu ndodhen urdhëruesit e vrasjes së Azem Hajdarit. Refuzoj të marr mandatin, pasi i takon popullit dhe jo kriminelëve, hajdutëve, delenxhinjve që ndodhen sot këtu”, deklaroi Hoxha.
Ndërkohë, Ruci u përgjigj duke i thënë: “Është e drejta jote kushtetuese të mos bësh betimin, rrugë e mbarë suksese në jetë”.
