Dy persona janë arrestuar në kushtet e flagrancës në Mirditë.
Gjatë kontrollit në banesën e shtetasit GJ.V, 53 vjeç në fsharin Katund i Vjetër, policia sekuestroi 3.1 kg kanabis, e cila ishte gati për shitje.
”Si rezultat i kontrollit në banesën e tij, Policia gjeti dhe sekuestroi në cilësinë e provës materiale 3.1 kg lëndë të dyshuar narkotike cannabis sativa, e bërë gati për shitje’’, informon policia.
Në vijim të veprimeve, shërbimet e Policisë kanë arrestuar në flagrancë shtetasin Gj. V., 53 vjeç dhe bashkëpunëtorin e tij shtetasin E. Z., 32 vjeç, banues në Katund i Vjetër, Mirditë.
Materialet iu referuan Prokurorisë pranë Gjykatës së Shkallës së Parë Lezhë, për veprën penale “Prodhimi dhe shitja e narkotikëve”, kryer në bashkëpunim.
https://www.facebook.com/policiashtetitshqiptar/videos/2879785498974469/
