Asnjëherë nuk është vonë për të marrë masat, që të mbrosh familjen tënde. Të njëjtën shembull ka ndjekur portieri i Totenhemit, Hygo Loris, i cili ka blerë një qen pastor të instruktuar.
Kapiteni i Francës ka paguar 15 mijë paund, për të blerë qenin special në një kompani e cila trajnon qentë pastorë gjermanë dhe belgë, të cilët vijnë nga baza policore apo ushtarake.
Në faqen e kompanisë thuhet se qentë janë rojtarët besnikë dhe shumë të bindur. Po kështu instruktohen që të vegjël, dhe janë të dedikuar për të të mbrojtur.
“Ata janë të dedikuar për të të mbrojtur nga çdo rrezik, pasi instruktohen që të vegjël përmes programeve të profesionistëve për të qenë rojtarë besnikë dhe shumë të bindur. Ne kultivojmë dy lloj qensh, ata roje dhe për mbrojtje personale. Qentë roje s’kanë nevojë për shoqëri.
Ata instruktohen që të refuzojnë ushqimin nga të huajt, dhe reagojnë ndaj personave të panjohur që shkelin territorin. Ndërsa qeni i mbrojtjes personale, nuk është vetëm një qen miqësor shtëpiak, por mundëson edhe mbrojtjen e familjes. Ata krijojnë një lidhje të veçantë me pjesëtarët e familjes, kanë afeksion dhe dashuri dhe i duan shumë fëmijët”, thuhet në faqen e kompanisë.
