Komisioni Qendror i Zgjedhjeve, i ka kthyer përgjigje Partisë Demokratike, mbi aplikimin e sistemit të videomonitorimit në qendrat e votimit.
Përmes një letre zyrtare, KQZ-ja shkruan se akti normativ është duke u hartuar por ajo kërkon kohën e vetë.
Sa i përket financimit të këtij projekti, KQZ thotë se po vlerësohen kostot e mundshme për implementimin e këtij procesi.
Sekretari i Përgjithshëm i selisë blu Gazment Bardhi në shkresën dërguar kreut të KQZ, Ilirian Celibashi, theksonte se sistemi i monitorimit është një pikë e rënë dakord në marrëveshjen politike të 5 qershorit si dhe e miratuar në kodin zgjedhor në 23 korrik e më konkretisht në pikën 2 të nenit 22.
PD dhe opozita e bashkuar kërkojnë që të marren të gjitha masat për instalimin dhe përdorimin e sistemit në qendrat e monitorimit në zgjedhjet e 25 prillit duke miratuar aktin normativ që e mundëson këtë si dhe duke parashikuar fondet e nevojshme.
