E shtunë, 23 Janar, 2021
10 C
Tirana

52% e votuesve republikanë: Trump, fituesi i merituar i zgjedhjeve

Një anketë e re tregon se afro gjysma e votuesve republikanë i besojnë deklaratat e Presidentit Trump se i ka fituar zgjedhjet përballë rivalit demokrat, Joe Biden.

Presidenti Trump ka ngritur thuajse përditë pretendime, pa ofruar prova, se votimet dhe procesi i numërimit të votave u manipuluan në interes të rivalit të tij dhe ai nuk ka pranuar deri tani humbjen.

Një anketë e re nga agjencia e lajmeve Reuters dhe firma Ipsos me 1,300 votues, e bërë publike të mërkurën tregon se 73% e të anketuarve besojnë se zoti Biden fitoi, ndërsa 5% besojnë se fitoi Presidenti Trump.

Por republikanët e anketuar shprehen me dyshim për rezultatin, sidomos kur pyeten nëse zoti Biden “fitoi me të drejtë”.

52% e republikanëve thanë se Presidenti Trump ishte “fituesi i merituar” ndërsa vetëm 29% e tyre thanë se kishte fituar konkurrenti demokrat, Biden.

Kur u pyetën përse, 68% e republikanëve shprehin shqetësim se zgjedhjet u manipuluan, siç pretendon presidenti, ndërsa këtë shqetësim e ngrenë vetëm 16% e demokatëve dhe 33% e të pavarurve.

Avantazhi në Kolegjin Elektoral

Të gjitha grupet mediatike kryesore në SHBA e kanë shpallur zotin Biden fitues, pasi ai siguroi më shumë se minimalja e kërkuar prej 270 votash elektorale për të marrë fitoren. Kolegji elektoral ka 538 vota dhe është vendimtari në rezultatin e zgjedhjeve presidenciale.

Zoti Biden siguroi gjithashtu një epërsi prej miliona votash në votën popullore krahasuar me Presidentin Trump. Edhe pretendentja demokrate në zgjedhjet e 2016, Hillary Clinton, siguroi fitore në votën popullore por humbi në kolegjin elektoral.

Që nga zgjedhjet, Presidenti Trump ka shmangur aktivitetet publike, por ka shpehur irritim në Twitter se ia vodhën fitoren përmes parregullsive në votime. Por deri tani, presidenti ka humbur disa sfida ligjore dhe nuk ka ofruar prova për mashtrime në masë.

Lexo edhe :   Trump lë Shtëpinë e Bardhë: Nder të isha presidenti tuaj, do kthehemi sërish
Lexo edhe :   “Ti e di që unë fitova”/ Publikohet letra që Trump i la Bidenit

Megjithëse anketat tregojnë se 55% e amerikanëve besojnë se zgjedhjet ishin “të sakta dhe legjitime,” kjo shifër pasqyron një rënie prej 7% krahasuar me rezultatin e të njëjtës anketë të zhvilluar në 2016.

28% e të anketuarve ditët e fundit thanë se mendojnë që rezultati në zgjedhje u diktua “nga votime të paligjshme ose manipulime”, një rritje prej 12% krahasuar me katër vjet më parë./VOA/

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...