Prej së dielës, policia ka instaluar kamera me rezolucion të lartë, për të filmuar të gjithë protestën para Parlamentit, ndërsa që në orët e para ka ngritur një gardh metalik për të garantuar sigurinë e deputetëve dhe për të mos lejuar kalimin e protestuesve para seancës së parashikuar të nisë në orën 10.00.
Po kështu, policia ka ndërmarrë edhe një plan masash rezervë për të shpërndarë turmën e protestuesve, nëse përdorimi i gazit lotsjellës nuk sjell efekt.
Mësohet se uniformat blu do të zbatojnë një plan B, që ka të bëjë me përdorimin e ujit me presion dhe të ngjyrosur, me blu dhe të verdhë.
Kjo masë do të shërbejë jo vetëm për largimin e protestuesve nëse do të ketë akte dhune, por edhe identifikimin e tyre me lehtësi, pas spërkatjes me ujë të ngjyrosur.
