Kryeministri Edi Rama nga Vlora, ku po zhvillon fushatën e tij të fundit elektorale për këto zgjedhje, u shpreh se Zaho dhe moshatarët e tij meritojnë që nesër të jetojnë në një Shqipëri më të mirë se e sotmja.
Kryeministri tha para elektoratit të tij se kishte një emocion të veçantë sot, pasi ka qenë sa djali i tij Zaho, kur bënte plazhin në Skelë.
“Kam një emocion të vecantë sot sepse kam qenë sa Zaho kur bëja plazh këtu në Skelë. Sot Zaho është diku midis jush, ashtu si të gjithë bashkëmoshatarët e tij. Zaho dhe moshatarët e tij meritojnë që nesër të jetë një Shqipëri më e mirë se kjo që kemi sot. Vlora sot është më e mirë se ajo që ishte kur unë isha sa Zaho, ashtu Shqipëria e nesërme duhet të jetë më e mirë. Për Shqipërinë ka vetëm një rrugë: Anëtare e Familjes Europiane”, tha Rama.
