Aktori i njohur Kevin Hart, ka zbuluar së fundmi se ka dalë pozitiv në testin për COVID-19. 41 vjeçari ka rrëfyer se ka qenë i infektuar në të njëjtën kohë me Tom Hanks, por nuk ka treguar.
“Problemi është se e kam pasur në të njëjtën kohë me Tom Hanks, dhe nuk mund të them asgjë, sepse ai është më i famshëm se unë”, tha komediani fundjavën e kaluar.
Hart duket se e ka kaluar pa shumë shqetësim virusin, më pak se një vit pasi theu shpinën në një aksident automobilistik në 1 shtator 2019 në California. Ai ka qenë pasagjer në një automjet, kur doli nga autostrada Mulholland dhe u përplas në Malibu Hills.
