Një drejtues automjeti duket se nuk ka duruar dot trafikun, duke kaluar semaforin me të kuqe e duke mos lejuar kalimin e një këmbësoreje. Jo vetëm kaq, por drejtuesi i mjetit tip Benz, kalon në karrexhatën tjetër, nga vendkalimi i këmbësorëve.
Ngjarja ka ndodhur dje, ndërsa pamjet janë publikuar nga Policia e Shtetit. Shoferi është gjobitur, ndërsa policia bën thirrje që çdo drejtues automjeti të respektojë Kodin Rrugor, këmbësorët dhe ta duan jetën e të kujdesën edhe për jetën e të tjerëve që kalojnë rrugën.
Postimi i Policisë së Shtetit:
Tiranë
? ? 
versus ?
Një panoramë jo vetëm e rrezikshme, por absolutisht e papranueshme për një drejtues mjeti, që edhe pse në shkelje flagrante të rregullave të qarkullimit rrugor, jo vetëm që nuk denjon të lejojë këmbësorin të kalojë në vendkalimin e tij sipas sinjalizimit të semaforit, por vazhdon ta rrezikojë akoma më shumë këtë të fundit, duke kapërcyer në karrexhatën tjetër, pikërisht nga vendkalimi i këmbësorëve.
Edhe pse sanksioni për këto shkelje, në vlerë është relativisht i lartë, përsëri sjellje të tilla në trafik janë me të “rënda” se dënimi që parashikohet.
Drejtues të automjeteve:
Respektoni Kodin Rrugor;
Respektoni këmbësorët;
Duajeni jetën tuaj dhe kujdesuni për jetën e të tjerëve që kalojnë në rrugë.
