7 Janar 1943 – Vdes fizikanti i famshëm Nikola Tesla
Nikola Tesla ishte një shpikës, inxhinier mekanik, fizikant dhe futurist serbo-amerikan i cili njihet më së miri për kontributin e tij në dizenjimin e sistemit modern të furnizimit me rrymë elektrike. I lindur dhe i rritur në Perandorinë Austro-Hungareze, Tesla mori një arsimim të avancuar në inxhinieri dhe fizikë në vitet 1870, dhe fitoi përvojë praktike në fillim të viteve 1880, duke punuar kompaninë e Thomas Edison në SHBA, ku emigroi në vitin 1884
Më vonë nisi të punonte për vete. Me ndihmën e biznesmenëve që financuan dhe promovuan idetë e tij, Tesla ngriti laboratorë në Nju Jork për të zhvilluar një sërë pajisjesh elektrike dhe mekanike. Motorët e tij me rrymën e alternuar (AC) dhe patentat përkatëse të licensuara nga kompania “Westinghouse Electric” në vitin 1888, i siguruan një sasi të konsiderueshme të ardhuradh.
Ndërkohë, Tesla kreu një sërë eksperimentesh me gjeneratorë mekanikë, tuba shkarkues elektrikë dhe imazhe të hershme me rreze X. Ai ndërtoi gjithashtu një varkë që telekomandohek në distancë. Në vitin 1893, ai bëri deklarata mbi mundësinë e komunikimit pa tel me pajisjet e tij.
Tesla u përpoq ta vinte në zbatim këtë ide, në projektin e tij të papërfunduar “Wardenclyffe Tower”, një komunikim interkontinental pa tel dhe transmetues energjie, por që për shkak të ndërprerjes së financimeve nuk mundi dot ta përfundonte. Më vonë, vazhdoi të përpiqet të zhvillojë një seri shpikjesh në vitet 1910 dhe 1920, me shkallë të ndryshme suksesi.
Pasi e harxhoi kaloi pjesën më të madhe të pasurisë, nisi të jetonte në një varg hotelesh në
Nju Jork, duke lënë pas fatura të papaguara. Natyra e punës së tij të mëhershme dhe deklarimet në media, i dhanë reputacionin e një “shkencëtar të çmendur” në kulturën popullore amerikane.
Vdes nga një atak kardiak i vetmuar në dhomën nr.3327 të hotelit “New Yorker”, më 7 janar 1943, i mbytur në borxhe. Funerali i tij u zhvillua më 12 janar në Katedralen e Shën Gjonit në Manhatan. Trupi i tij u dogj dhe hiri i tij u dërgua në Beograd më 1957-ën.
7 Janar 1945 – Hitleri bie dakord të tërheqë forcat gjermane nga Ardenet
Ndërsa ofensiva gjermane kishte ngecur, gjermanët përbënin ende një rrezik për frontin aleat. Ushtria e tretë e gjeneralit amerikan Patton në jug, e përqëndruar rreth Bastonjës, do të sulmonte drejt veriut, ndërsa forcat e britanikut Montgomery që ndodheshin në veri do të marshonin drejt jugut, dhe të dyja ushtritë planifikonin të takoheshin në Hufalize.
Temperaturat gjatë janarit 1945 qenë jashtëzakonisht të ulëta. Kamionët duhej të ndizin çdo gjysmë ore, në të kundërt karburanti në to dhe armët do të ngrinin. Ofensiva vazhdoi pavarësisht se Eisenhoëer donte që Montgomery të hidhej në kundërsulm që më 1 janar.
Por për shkak të kushteve atmoferike sulmi filloi më 3 janar, dhe deri atëhere një numër i madh trupash gjermane arritën të tërhiqen, megjithë humbjen e pajisjeve të tyre të rënda. Progresi amerikan në jug, ishte gjithashtu i kufizuar në rreth 1 kilometër në ditë.
Më 7 janar 1945, Hitleri ra dakord të tërhiqte forcat nga Ardene, përfshirë edhe divizionet e tankeve, duke i dhënë fund kësisoj fund të gjitha operacioneve sulmuese. Pas asaj beteje, krtyeministri britanik Winston Churchill, duke iu drejtuar me një fjalim parlamentit tha:”Kjo është padyshim beteja më e madhe amerikane e luftës, dhe do të konsiderohet përherë si një fitore e tyre”.
7 Janar 1785 –Flurimi i parë me balonë mbi kanalin e La Manshit
Francezi Jean-Pierre Blanchard, dhe amerikani John Jeffries udhëtojnë nga Doveri i Anglisë drejt Kalesë në Francë, të hipur mbi një balonë me ajër të nxehtë, duke u bërë të parët që kalojnë Kanalin Anglez në rrugë ajrore. Pak para se të arrinin në bregun francez, të dy burrat u detyruan të hedhin pothuajse gjithçka jashtë balonës, madje Blanchard i hodhi pantallonat e tij mbi njërën anë të balonës, në një përpjekje të dëshpëruar, por me sa duket të suksesshme, për të lehtësuar mjetin fluturues.
Katërmbëdhjetë muaj më parë, shpikësi francez Jean Francois Pilatre de Rozier dhe oficeri i ushtrisë franceze, Francois Laurent, kishin kryer fluturimin e parë me balonë me ajër të nxehtë mbi Paris për rreth 25 minuta. Në janarin e vitit 1785, Rozier ishte në mesin e atyre që garonin për të qenë njeriu i parë që do të kalonte Kanalin e Anglisë, por vetëm pak ditë para fluturimit të Blanchard dhe Jeffries, ai dhe bashkëpiloti i tij gjetën vdekjen kur balloni i tyre mori zjarr.
7 Janar 1989 – Vdes perandori japones Hirohito
Showa Tenno Hirohito, monarku i 124-të japonez në një linjë trashëgimie që daton që në vitin 660 P.E.S, vdes pasi shërbeu për gjashtë dekada si perandor i Japonisë. Hirohito u ngjit në fron në vitin 1928, dy vjet pas vdekjes së babait të tij, perandorit Taisho. Gjatë dy dekadave të para
si perandor, Hirohito kryesoi një nga epokat më të turbullta në historinë e kombit të tij.
Nga ekspansioni i shpejtë ushtarak që filloi në vitin 1931, tek humbja dërrmuese e Japonisë në vitin 1945, Hirohito sundoi mbi popullin japonez si një monark absolut, kompetencat e të cilit ishin në praktikë tejet të kufizuara. Pasi bombat bërthamore amerikane shkatërruan tërësisht Hiroshimën dhe Nagasakin, ishte perandori ai që argumentoi kapitullimin e vendit të tij, duke i shpjeguar popullit japonez në fjalimin e tij të parë në radio, se “e padurueshmja duhet të marrë fund”.
Nën pushtimin e SHBA-së dhe rindërtimin e pasluftës, Hirohito ishte zyrtarisht i zhveshur nga fuqitë e tij, dhe i detyruar të hiqte dorë nga hyjnia e tij e pretenduar, por mbeti një figurë zyrtare deri në vdekjen e tij më 1989. Ai u pasua si perandor nga djali i tij i vetëm, Akihito.
7 Janar 1904 – Krijohet sinjali ndërkombëtar i alarmit “CQD”, vetëm për t’u zëvendësuar 2 vjet më vonë nga “SOS”.
7 Janar 1919 – Luftëtarët guerrilas të Malit të Zi, rebelohen kundër aneksimit të planifikuar nga Serbia, por dështojnë.
7 Janar 1999 – Në Senatin e SHBA-së, nis shqyrtimi i kërkesës për shkarkimin nga detyra të presidentit Bill Clinton (impeachment).
7 Janar 2012 – Një balonë me ajër të nxehtë, rrëzohet pranë Karterton në Zelandën e Re, duke shkaktuan vdekjen e 11 personave që ndodheshin në bord.
7 Janar 2015 – Dy vëllezët francezë, me origjinë arabe hyjnë dhe zyrat e revistës satirike ”Charlie Hebdo” në Paris, duke ekzekutuar 12 persona dhe plagosur 11 të tjerë.
Përgatiti për Tirana Today, Alket Goce
