Policia ka njoftuar se një 23-vjeçar ka rënë në pranga ditën e sotme, pasi ka tentuar të ndihmojë një femër që të kalojë kufirin me vula të falsifikuara në Kakavijë. Policia ka bërë të ditura inicialet e tij R.L.
Gjithashtu, në deklaratë thuhet se femra është akuzuar për veprën penale të “Falsifikim i vulave, stampave dhe formularëve”, ndërsa i riu akuzohet për veprën penale “Dhënie ndihmë për kalim të paligjshëm të kufirit”.
Mësohet se femra me inicialet B.V. që u kap me vula të falsifikuara, po ndiqet në gjendje të lirë.
