Një databazë me të dhënat personale u shpërnda në seri prej mbrëmjes së të martës përmes aplikacionit “Whatsapp”, duke shënuar rrjedhjen më të madhe të të dhënave zyrtare në Shqipëri. Databaza përmban numrat personalë, emrat, subjektet punëdhënëse si dhe pagën mujore të të gjithë personave të regjistruar si të punësuar në sektorin publik dhe atë privat në Shqipëri.
Zëvendës ministri i Financave, Besart Kadia, është përplasur me ish-ministrin e Drejtësisë Ylli Manjani në “Opinion”, pasi diskutonin mbi skandalin e publikimit të pagave. Kur Manjani nisi të fliste dhe për shpërndarjen e shenjave të gishtërinjve, Kadia reagoi ashpër. Menjëherë ndërhyri moderatori i emisionit, i cili me humor tha të mos ziheshin për rrogat.
Pjesë nga biseda:
Ylli Manjani: Tani unë nuk kam siguri, shenjat e gishtërinjve janë të digjitalizuar
Besart Kadia: Po mos dilni nga tema, e çuat në një tjetër nivel…
Ylli Manjani: S’të jap ty llogari fare se çfarë them
Besart Kadia: Po pse u fusni njerëzve frikën të përdorin teknologji?
Blendi Fevziu: Po pse ziheni, sa e keni rrogën?
Besart Kadia: Unë 1 milion e …
Blendi Fevziu: Prandaj iku Manjani nga Ministria
