Pas akuzave të ish-deputetes, Albana Vokshi, ndaj ministres së Shtetit për Marrëdhëniet me Parlamentin, Elisa Spiropali, ka ardhur edhe reagimi i kësaj të fundit.
Përmes një postimi në Facebook, Spiropali e konsideron si një “banalitet ulëritës” gjuhën e përdorur nga ish-deputetja, teksa thekson se ajo s’mund t’ mbulojë mendjelehtësinë e Lulzim Bashës.
Më tej, Spiropali paralajmëron Vokshin se do përgjigjet në gjykatë për “akuzat e saj trashanike”.
Postimi i plotë:
Banaliteti ulëritës i Albana Vokshit nuk mund të mbulojë mendjelehtësinë proverbiale të Lulzim Bashës. Albana do të përgjigjet në gjykatë për akuzat e saj trashanike, kurse shefi i saj Luli, ka përpara gjyqin e votës së cilës i trembet si djalli temjanit.
