Sot është një ditë zie për ish-ministrin dhe politikanin Lefter Koka, i cili ka humbur të vëllanë e tij si pasojë e një sëmundje të rëndë.
Koka, me një mesazh prekës shprehet se vëllai i tij Iliri, ka qenë shtylla kryesore ku u mbështetën, dhe udhërrëfyesi tek fëmijët.
Iliri ishte më i madhi në mesin e pesë fëmijëve. Lefter Koka thotë se vëllai i tij i ndjerë ishte simboli i urtësisë e qytetarisë për të gjithë ata që e njohën dhe rrugëtuan përkrahë tij.
Njoftimi
Me hidhërim të thellë, njoftoj ndarjen nga jeta të vëllait tim, Ilirit, pas një beteje të gjatë nga një sëmundje e rëndë! Liri, ishte vëllai i madh ndër pesë fëmijët, duke qënë shtylla jonë ku u mbështetëm, e kurrë nuk u lodh duke na mëkuar mirësi e respekt. Iliri ynë fjalëpak e punëshumë, ishte udhërrëfyesi ynë, por edhe simboli i urtësisë e qytetarisë për të gjithë ata që e njohën dhe rrugëtuan përkrahë në të gjallë të tij! Përcjellja për në banesën e fundit bëhet në orën 14:00, te varrezat e reja të qytetit.
Familja Koka
