Pasi ka fituar betejën me Covid-19, deputeti Enver Roshi ka folur për herë të parë sot në Kuvend, duke shprehur mirënjohjen për mjekët dhe këdo që e mbështeti në këtë betejë. Në fjalën e marë, ai tha se situata me koronavirusin, ka të bëjë me ndryshimet në mjedis. Ai apeloi ndaj të gjithë shqiptarëve, që të mos e neglizhojnë këtë situatë, pasi është tejet e rëndë.
“Mjeku me rekomandoi të flisja ulur, por në respektin tuaj për mbështetjen që më dhanë në situatën time shumë kritike shëndetësore, ngrihem këtu për të shprehur mirënjohje për kurajon, angazhimin dhe motivimin për të jetuar.
Jo vetëm juve, jam shumë i emocionuar pasi kalova një situatë të rëndë shëndetësore. Dua t’u shpreh mirënjohje mjekëve dhe qytetarëve që më kanë shprehur mbështetjen dhe mirënjohjen. Kjo situatë e Covid, ka të bëjë me ndryshimet në mjedis.
Po kalojmë në stinën e virozave dhe bashke më të është edhe Covid. Shqiptarët duhet të marrin në dorë fatet e jetës së tyre.
Të dëgjojmë këshillat mjekësore nga profesionistët. Ka ikur koha që te merremi me llafe”, tha ai.
