E mërkurë, 8 Dhjetor, 2021
-0.5 C
Tirana

Ka apo nuk ka inkubatorë spitali i Lushnjes për fëmijët që lindin para kohe?

Në adresë të emisionit investigativ “BOOM”në RTV Ora kishte mbërritur shqetësimi një prindi, i cili u detyrua të shtrojë vajzën e vet shtatzënë, 34 javëshe e 5 ditë në Maternitetin e Lushnjes, pasi mjekët dyshuan për lindje të parakohshme.

Shqetësimi i tyre është se sipas pohimeve të mjekëve nuk ka inkubatorë në dispozicion të foshnjës në këtë stad nëse ai lind aktualisht dhe se për këtë rruga më e mirë është ajo e shkuarjes në Tiranë, pasi vihet në rrezik jeta e tij.

“BOOM” shkoi me kamera të fshehtë në ambjentet e Maternitetit të spitalit të Lushnjes “Ihsan Çabej” për të vërtetuar këtë fakt.

Fillimisht “BOOM” shkoi në dhomën ku ndodhej e shtruar nëna shtatzënë. Me të ishte edhe bashkëshorti. Sipas tyre në dijeni të këtij problemi janë mjekët dhe infermierët.

Bashkëshorti i pacientes: Çdo doktor dhe çdo infermiere e dinë këtë problem.

Gazetari: Juve ju kanë thënë që në këtë fazë që ju jeni nuk mund të lindni këtu ?

Pacientja: Edhe 36 javëshe, unë jam 34 e 5 ditë e të vete 36 nuk lind dot këtu.

Gazetari: Pse?

Pacientja: Sepse këtu nuk janë kushtet, do të iki në Tiranë.

Bashkëshorti i pacientes: Neonadi për të porsalindurin kujdeset vetëm paradite, pra një turn, nuk ka 24 orë.

Gazetari: Pra, edhe inkubatorët nuk janë të specializuar për fazën që ti presupozohet që të lindësh…

Pacientja: Po, sepse është bebi i vogël.

“BOOM” improvizoi një skenë ku një prind priste fëmijën e dytë, i cili mund të lindë para kohe, ashtu si i pari.

Nënës shtatzënë 34 javëshe i kanë filluar dhimbjet. Ajo ndodhet në Bubullimë të Lushnjes dhe prindi baba ka ardhur me urgjencë në maternitetin e Lushnjes për t’u interesuar nëse duhet ta sjellë nusen aty për të lindur apo jo, në situatën kur fëmija mund të lind para kohe.

“BOOM” takoi njërin prej mjekëve aty, i cili kërkoi që nëna të sillej në maternitetin e Lushnjes. Nëse gjendja e saj do të ishte stabël mund të qëndronte aty, por nëse gjendja e saj mund të ishte e rënduar dhe me mundësi lindjeje para kohe 34 javëshe, duhej t’i drejtohej Tiranës, pasi sipas pohimit të tij mungojnë inkubatorët, pavarësisht kërkesave në Ministri.

Sipas tij edhe për nënat 36 javëshe shtatzënë me rrezik lindje para kohe, do ishte e pamundur lindja aty për efekt mungese inkubatori.

Po ashtu, sipas mjekut në fjalë, në turnin e pasdites mungon mjeku pediatër.

Bashkëpunëtori: Kam nusen 34 javëshe.Nuk e di mund të lind parakohe. Fëmijën e parë e kemi lindur para kohe.

Mjeku: Sille këtu ta shikojmë, po ashtu ik në Tiranë direkt.

Bashkëpunëtori: Po kam hall në qoftë se lind këtu apo…

Mjeku: Jo, këtu është para kohe ajo.

Gazetari: Nuk lind dot këtu ?

Mjeku: Lind ajo po puna është e bebit. 34 javëshe është mirë që të jetë në Tiranë ajo ose në Fier, por më mirë në Tiranë.

Mjeku: Sille këtu. Të shohim si është situata, është shumë urgjent apo jo, se po qe e lehtë, me serume kalon.

Mjeku: Ku e ke nusen?

Bashkëpunëtori: Në fshat.

Mjeku: Ku?

Bashkëpunëtori: Në Bubullimë.

Gazetari: Nuk janë kushtet këtu?

Mjeku: Këtu jo, 34 javëshe jo. Madje edhe 35… Ne s’kemi pediatër fare, vetëm paradite .

Gazetari: Doktor, po nuk ka inkubatorë këtu?

Mjeku: Po nuk ka pra, inkubatorë.

Gazetari: Ne jemi ta sjellim këtu nëse lind vërtet para kohe, nëse nuk ka inkubatorë …

Mjeku: Jo, do ta çosh direkt. Më mirë shko në Tiranë.

Gazetari: Po nuk na mundësoni ndonjë inkubator?

Mjeku: Po nuk ka pra, këtu. Këtu s’ka pra, nuk ka. Këtu s’ka pediatër fare për momentin.Këtë shqetësimin tënd unë e kam njëqind herë. Këtë ankesën tënde ne e kemi në ministri. Unë e di shumë mirë këtë, ti ke të drejtë por zgjidh hallin tënd.Në Lushnjë nuk ka.

Gazetari: Por po e zuri këtu?

Mjeku: Do lindë bebi, do ta marrim bebin me oksigjen do e çojmë në Tiranë. Nuk është e para kjo.

Nga ana tjetër “ BOOM” arriti të fiksojë me kamer të fshehtë dy inkubatorë në ambjentet e pavionit të maternitetit, për të cilëtnuk dihet se për çfarë stadi janë dhe nëse sigurojnë apo jo jetën e foshnjes sonë 34 javëshe.

Gazetari i “BOOM” kontaktoi në telefon me Drejtoreshën e këtij spitali, e cila nuk ndodhej aty. Ajo mohoi gjithçka. Sipas saj materniteti ka dy inkubatorë dhe ata janë ndër më të mirët dhe pacientët nuk kanë arsye pse t’i drejtohen Tiranës në raste urgjence. Drejtoresha u shpreh se shërbimi aty është 24 orë duke e mohuar faktin që s’ka pediatër pasdite.

Gazetari: Na kanë thënë disa qytetarë që nuk ka inkubatorë për kategori të caktuara të foshnjave që mund të lindin para kohe.

Drejtoresha: Unë kam inkubatorë dhe i kam shumë të mirë. Në çdo rast urgjence të vijë pacienti, bebi është në inkubator, nga më të mirët që ka sjellë Banka Botërore në spitalin tim.

Gazetari: Nëse foshnja është 34 javëshe, çfarë ndodh ?

Drejtoresha: Ju kanë informuar gabim. Inkubatori në Spitalin e Lushnjës është nga më të mirët që kemi, jo një, por kemi dy aty.

Gazetari: Është i vërtetë edhe fakti që nuk ka pediatër pasdite?

Drejtoresha: S’ka pediatër pasdite? Ka 24 orë shërbim. S’është e vërtetë. I keni lajme të rreme të gjitha këto.

Gazetari: Sa inkubatorë janë në dispozicion? Vetëm një ?

Drejtoresha: Dy inkubatorë.Deri tani janë të mjaftueshëm për lindjet që kemi. I kam inkubatorët dhe prapë jam në kërkim të një inkubatori tjetër, sa më shumë të kemi.

Pra kemi një përplasje pohimesh ndërmjet titullares së spitalit dhe mjekut në maternitet, të cilët shprehin gjëra të kundërta.

Barra bie e gjitha mbi pacienten, që si asaj edhe shumë të tjerave u rrezikohet jeta e vet dhe e foshnjave të tyre.

Një gjë është e sigurt, se edhe po të jenë në dispozicion dy inkubatorë, ata nuk përmbushin dot nevojat e pacientëve në raste të tilla kur foshnja rrezikon të lindë para kohe.

Drejtoria e Spitalit duhet të insistojë në kërkesat e saj për inkubatorë dhe i mbetet Ministrisë së Shëndetësisë të përmbushë nevojat./Ora News

 

- Reklama -

Më shumë nga kategoria




Të fundit

8 gra dhe 8 burra: qeveria gjermane hap rrugën për barazi gjinore

Për herë të parë në 16 vjet, Gjermania do të drejtohet nga një burrë. Por megjithëse Angela Merkel po ia dorëzon kancelarinë një pasardhësi...

OBSH: Vaksinat duhet të funksionojnë kundër variantit Omicron

Vaksinat ekzistuese duhet të mbrojnë ende njerëzit që kontraktojnë variantin Omicron nga rastet e rënda të Covid, thotë një zyrtar i Organizatës Botërore të...

Fishekët e Yuri Kim, kapsolla deri më sot…

Nga: Eduard Zaloshnja Pasi Sekretari i Shtetit Blinken e shpalli Berishën persona non grata, Ambasadorja Yuri Kim, tek shkallët e ShQUP-it, u bëri thirrje anëtarëve/votuesve të PD-së...

Escobar me agjendë të qartë kundër korrupsionit, shmanget takimi me Metën

I dërguari i SHBA për Ballkanin Perëndimor, Gabriel Escobar, vjen në Tiranë me një agjendë të qartë kundër korrupsionit të politikanëve shqiptarë. Ambasada e...

“Tirana, Kryeqyteti Europian i Rinisë”, Rama uron të rinjtë për 8 dhjetorin

Në ditën e Rinisë, kryeministri Rama ka ndarë një video në rrjetet sociale, ku thotë se kjo datë i kushtohet vetëm të rinjve. “MIRËMËNGJES dhe me...