Klubi i Juventus po tenton të transferojë në Torino Neymar Junior.
E përditshmja ‘El Mundo Deportivo’ shkruan se bardhezinjtë po mendojnë për afrimin e një tjetër ‘ylli’ në skuadër pas Cristiano Ronaldos dhe De Ligt. Ata kërkojnë ta mundësojnë transferimin e tij duke ofruar dy lojtarë, me qëllim për të ulur çmimin e kartonit të brazilianit.
Mësohet se Juventus do t’i ofrojë PSG-së Paulo Dybala dhe Blaise Matuidi, mesfushorin i cili më herët ka qenë pjesë e kampionëve të Francës, plus një shumë të konsiderueshme parash për të bindur drejtuesit parisienë.
