Gjatë konferencës për shtyp Alegri foli për dy lojtarë kyç tek bardhezinjtë, për Dybalën dhe Ronaldon:
“Ronaldo është një kampion i madh, një djalë i jashtëzakonshëm dhe inteligjent. Ne biseduam me të dhe lojtarët e tjerë. Ky vit është një vit i rëndësishëm, jam i lumtur ta gjej përsëri. Ai ka një përgjegjësi më të madhe se tre vjet më parë sepse kishim një ekip shumë më me përvojë. Përveç shfaqjes së cilësive të tij si golashënues, numrat janë në favor të tij, ai duhet të marrë përgjegjësitë e personalitetit që ka.
Gjatë vitit, si çdo vit do të ketë menaxhim për të gjithë lojtarët. Dybala është paraqitur shumë mirë, fizikisht dhe mendërisht, do të jetë një vit i rëndësishëm për të. Kur ke një lojtar si ai, kjo është një vlerë e shtuar. Pas Kielinit ai do të ishte kapiten për paraqitje, unë bisedova me të dhe e gjeta shumë të motivuar. Paulo ka numrat në shpinë. Ronaldo? Jam i sigurt se ai shënon, nëse do t’i bëjë si qendërsulmues ose një sulmues anësor nuk e di. Më duhet të bëj që secili lojtar të shfrytëzojë sa më shumë karakteristikat dhe cilësinë e tij. Nuk mund t’i kërkoj Bentancurit dhjetë gola.
Goditjet e dënimit? Njëri është i djathtë dhe tjetri i majtë, kështu që nuk ka asnjë problem nga ai këndvështrim. Vetëm nëse do vinte ndonjë me këmbën e djathtë që gjuan më mirë goditjet e dënimit…”.
