E ardhmja e Paulo Dybalës po zien. Agjenti i tij Jorge Antun, siç parashikohet nga ‘calciomercato.it’, mbërriti në kohë në Itali dje në mbrëmje. Argjentinasi tani do të duhet të respektojë 10 ditë karantinë, pas së cilës takimet me Juventusin do të fillojnë të rihapin negociatat për rinovimin e kontratës, që skadon në qershor 2022 dhe qe tani është e ndaluar prej muajsh.
Vullneti i të gjitha palëve të përfshira është i qartë: të vazhdojnë së bashku. Dyshimet e një viti më parë tani janë një kujtim, klubi dëshiron të përqendrohet fuqishëm te argjentinasi dhe lojtari, nga ana e tij, nuk e ka fshehur kurrë dëshirën për tu lidhur me ‘Zonjën e Vjetër’ në planin afatgjatë. Është e parakohshme të flasësh për shifra, duke pasur parasysh se negociatat, në fakt, nuk janë ende atje ku duhet, por qëllimi për të arritur një marrëveshje sa më shpejt është i përbashkët. Për rreth dhjetë ditë, pritet të zbardhet e ardhmja e “Joya”.
