Ish-deputetja e Partisë Demokratike, Orjola Pampuri, ka shpërthyer në revoltë të hapur pas sulmeve me gaz lotsjellës ndaj protestuesve të Vorës. Ajo tha në një prononcim për mediat, se nëse nuk lirohen 4 protestuesit e ndaluar, është e gatshme të vetëofrohet në qelinë e burgut që të lirohen të shoqëruarit. Po kështu, ish deputetja e PD-së shtoi se nuk do të tërhiqen në zbatimin e dekretit të presidentit Meta.
“Ju që hidhni gaz ndaj meje, ua hedhshin motrave dhe nënave tuaja. Ne nuk do të tërhiqemi në zbatimin e dekretit të presidentit, dhe do t’ju japim kohë derin nesër për largimin e menjëhershëm të materialeve zgjedhore nga Vora. Në të kundërt, shumë më shumë se kaq njerëz sa janë sot do të vijnë dhe heqin me forcë.
Kanë arrestuar pa të drejtë 4 persona. Nëse nuk i lirojnë deri nesër, le të vijnë të më arrestojnë mua, të futem unë në burg me kushtin që të dalin 4 të arrestuarit”, tha Pampuri.
