Komisioneri evropian, Johannes Hahn ka reaguar në rrjetin social “Twitter” për arritjen e marrëveshjes mes Partisë Demokratike dhe Partisë Socialiste.
Hahn shkruan se marrëveshja ishte hap i rëndësishëm dhe se udhëheqësit politikë kanë treguar pjekuri demokratike.
“Udhëheqësit politikë i janë përgjigjur pritjeve të qytetarëve të tyre por tani duhet që përgatitja e zgjedhjeve të bëhet sipas standardeve ndërkombëtare”, thotë komisionieri Hahn.
Gjithashtu, Hahn shprehet se nuk duhet shkëputur aspak vëmendja ndaj vettingut, ai thotë se tani me rëndësi është ngritja e një sistemi të besueshëm për vettingu.
Të gjithë eurokomisionerët e angazhuar për zgjidhjen e krizës politike kanë përgëzuar marrëveshjen Rama-Basha dhe futjen e PD-së në zgjedhje dhe në parlament.
