Finalja e Champions League më 26 maj ishte një dramë për portierin gjerman, Lorius Karius i cili bëri dy gabime amatore dhe i dhuroi fitoren Real Madridit. Menjëherë pas përfundimit të ndeshjes u publikua një video që vetëm pak çaste pas gabimit të parë, Karius kishte marrë një goditje të fortë nga Ramos dhe nga shumë tifozë u cilësua si shkaktari kryesor, duke bërë të mendohej se portieri ishte i pafajshëm.
Raportimet e fundit i mbështesin plotësisht hipotezat. Sipas “ESPN” Karius me këshillimin e mjekëve të Liverpool është nisur drejt SHBA ku i është nënshtruar një vizite neurologjike. Po ky burim shkruan se stafi mjekësor i klubit anglez ka menduar se portieri gjerman mund të ketë pësuar një tronditje cerebrale pas përplasjes me Sergio Ramos.
Nuk dihet nëse ky ka qenë me të vërtetë shkaku i gabimeve të Karius, por shto këtu edhe dëmtimin e Salah, Ramos edhe pse nuk shënoi gola patjetër që ka ndikuar shumë në rezultatin përfundimtar të takimit.
