Kylian Mbappe ishte njeriu i Botërorit, pasi u vlerësua edhe me çmimin si lojtari më i mirë i ri i turnet. Talenti Francez ka treguar të gjithë potencialin që zotëron për ti ardhur në ndihmë Francës të shpallet kampione bote dhe është duke arritur rekordet e vendosura nga një legjendë si Pele.
Ylli i PSG-së ka vendosur që të gjithë të ardhurat që ka fituar nga ky Botëror ti dhurojë për bamirësi. Bëhet fjalë për një shumë të madhe parash që arrin 430 mijë euro, të cilat do të shkojnë për një fondacion që ndihmon fëmijët me aftësi të kufizuara.
Sipas “Sports Ilustrated”, 19-vjeçari ka fituar rreth 20 mijë euro në çdo ndeshje në Rusi dhe rreth 300 mijë euro që ishte pjesë e ekipit që u shpall Kampion Bote. Lajmin për dhurimin e këtyre të ardhurave, e ka dhënë e përditshmja franceze, “L’equipe”.
