Një ngjarje e rëndë është shënuar në Haiti në SHBA, teksa 15 fëmijë kanë humbur jetën pasi jetimorja ku ata qëndronin u përfshi nga flakët.
Dyshohet se shkak për zjarrin të kenë qenë qirinjtë që përdoreshin për të ndriçuar në mungesë të energjisë elektrike por kjo nuk është vërtetuar ende nga autoritetet.
Drejtoresha e Institutit për Mirëqenie Sociale, Arielle Jeanty Villedrouin u shpreh se rreth 60 fëmijë ndodheshin në jetimoren e palicencuar në momentin kur ajo u përfshi nga flakët.
“Ne do t’i vendosim ata në një qendër tranziti ndërsa do bëjmë kërkime mbi familjet e tyre dhe të shohim nëse mund t’i bashkojmë me prindërit e tyre”, tha ajo për Reuters.
Sipas mediave të huaja, dy prej fëmijëve humbën jetën nga zjarri ndërsa 13 të tjerët humbën jetën në spital nga asfiksimi. Gjykatësi vendor Raymonde Jean Antoine tha për agjencinë e lajmeve AFP se jetimorja nuk ishte e autorizuar të operonte që nga viti 2013.
Ai tha se jetimorja nuk i plotësonte standardet themelore, duke i cilësuar kushtet e jetesës atje si “vërtetë, të lëna pas dore”.
