Zv. kryetari i Gjykatës së Elbasanit, Zihni Shahu, ka dhënë dorëheqjen nga sistemi i Drejtësisë.
Që prej largimit nga vettingu të Sulejman Kurtit, Shahu ka mbajtur rolin e kryetarit në Gjykatën e Elbasanit.
Bëhet me dije se dorëheqja është dhënë që në muajin korrik, por vetëm tani është miratuar nga KLGJ. Zihni Shahu do të qëndrojë në detyrë deri në fund të shtatorit.
Shahu qëndroi në këtë detyrë për gati 10 muaj, pasi u emërua nga KLGJ për të drejtuar gjykatën e Elbasanit, menjëherë sapo “Vettingu” shkarkoi Sulejman Kurtin. Nuk dihen arsyet e sakta të dorëheqjes së tij.
