Ashtu siç ishte paralajmëruar më herët, ka nisur takimi i Presidentit të Kosovës Hashim Thaçi me krerët e partive politike.
Mësohet se Thaçi u ka bërë të ditur atyre se vetëm partitë politike vendosin për veprimet e ardhshme.
“A jeni për zgjedhje apo për Qeveri të re?”- ka qenë kjo pyetja që Thaçi u ka drejtuar krerëve.
“Do të marr hapa sipas Kushtetutës së Kosovës. Të ndodhur në këtë situatë pas mocionit të votëbesimit. Ju ftoj që të konfirmoni a është në vullnetin e partive që i udhëhiqni që të kemi një Qeveri të re apo të shpallen zgjedhjet? Presidenti nuk e shpërbën Kuvendin, vetëm vullneti i partive politike i jep drejtim vendit”, deklaroi Thaçi, teksa ka ftuar partitë politike që të japin votën e tyre.
