Ambasadori i BE-së në Shqipëri, Luigi Soreca ka njoftuar se më datë 4 shkurt do të vijë në Tiranë presidenti i Parlamentit Evropian, David Sassoli.
Soreca e bëri të ditur këtë gjë gjatë konferencës së 16 të komisionit parlamentar për integrimin Evropian.
“Komisioneri ishte në Prishtinë pasi zhvilloi një takim si zyrtarë evropian. Për pak ditë me 3 dhe 4 shkurt Sassoli do të jetë në Tiranë. Janë në krye të axhendës Evropiane. E kemi bërë shumë të qartë se angazhimi jonë mbetet i palëkundur dhe i pa lëshuar. Liderët e BE do të diskutojnë në këshill në Mars për zgjerimin dhe më pas në samitit e Ballkanit”, tha ai.
Soreca deklaroi se Komisioneri i ri për Politikën e Fqinjësisë Evropiane dhe Negociatat e Zgjerimit, Olivér Várhelyi është shprehur optimist në lidhje me hapjen e negociatave për Shqipërinë.
“Varhelyi shprehu optimizmin e tij që këshilli i marsit mund të sjellë rezultate pozitive. Këtë javë Von der Leayen, deklaroi se samiti i Zagrebit do të jetë i suksesshëm në qendër të diskutimit. Duhet të plotësojmë dhe të punojmë, për angazhimet e tyre. Si parlamentare keni rol jetik. Sa i përket zbatimit të Reformave, luftën kundër krimit dhe për shtetin ligjor. roli i parlamenteve nuk mund të nënvlerësohet. Integrimi në BE nuk është i lehtë por kërkon përkushtueshmëri. Jeni në zemër të procesit. Të monitorohet edhe puna e bërë nga qeveria. Duhet integrim. Nuk është qëllim në vetvete”, tha Soreca.
