Ambasada Amerikane në Tiranë ka dhënë një njoftim për të gjithë ata persona që janë fejuar me një shtetas amerikan, dhe që duan të pajisen me vizë.
Përmes një postimi në faqen e saj zyrtare të “Facebook”, Ambasada shkruan se i fejuari duhet të dorëzojë peticionin për vizën K-1 pranë USCIS.
“Keni rënë në dashuri këtë verë dhe jeni fejuar? Nëse i fejuari juaj është qytetar amerikan, atëherë ai ose ajo duhet të dorëzojë peticionin për vizën K-1 pranë USCIS për ju. Duhen disa muaj për shqyrtimin e peticionit, ndaj aplikoni sa më shpejt! #pyetanen”, thuhet në njoftimin e ambasadës.
