Herët në mëngjes, kryebashkiakja e Durrësit, Valbona Sako, dha një intervistë për “ABC News” në lidhje me procesin e akomodimit të banorëve të prekur nga tërmeti.
“Qytetari paraqitet në Bashkinë e Durrësit, krijojmë një lëvizje të organizuar me transport dhe i çojmë në pikat e akomodimit, që janë hotele me kushtet më të mira. Do të thoja janë hotele me pesë yje, që në kushte normale zotërinjtë nuk do të mund t’i paguanin për pushime”, tha ndër të tjera ajo.
Dhe pikërisht kjo ishte gafa e parë e Sakos.
Ndërkohë në një intervistë për “Top Channel” së fundmi, kryetarja e Bashkisë u shpreh: “Për hir të së vërtetës duhet ta themi që ky ishte një tërmet i nivelit shkatërrimtar, por që jemi të kënaqur me 50 viktima, sepse në rastet e tjera kanë qenë mbi 1000 viktima”.
Kjo deklaratë është interpretuar si një tjetër gafë e saj, e cila aktualisht po bën bujë në media dhe në rrjete sociale.
