Wuhani, epiqendra e shpërthimit të pandemisë që ka shkaktuar dhjetra mijëra të vdekur, ka hapur kufijtë dhe po vijon normalisht me jetën. Pavarësisht se përhapja e koronavirusit nga Kina duket se është nën kontroll, sinjalet alarmuese vijnë nga ana e presidentit. Ai ka kërkuar që të gjithë të jenë vigjilent, pasi duket se ende nuk ia kanë ‘hedhur’ plotësisht ndaj kësaj pandemie.
Presidenti kinez Xi Jinping, ka paralajmëruar mundësinë që koronavirusi të ketë një valë të dytë infeksioni, pas pandemisë globale. Gjatë një takimi me vendimmarrës të Partisë Komuniste Kineze, Komiteti i Përhershëm i Byrosë Politike, Xi Jinping tha se vendi nuk duhet ta ulte alertin.
Ai apeloi ndaj autoriteteve kineze që të vëzhgojnë me kujdes rastet e importuara nga jashtë, dhe të parandalojnë rishpërthimin e një tjetër vale pandemie.
“Vështirësi dhe sfida të reja janë shfaqur për rinisjen e punës në Kinë dhe zhvillimin ekonomik dhe shoqëror”, ka thënë presidenti i Kinës.
