Zbardhet diskutimi pa kamera brenda mbledhjes së Kryesisë së Partisë Socialiste. Kryeministri Edi Rama ka thënë se vendimi i presidentit ishte i pritshëm, ndërsa më tej është shprehur se seanca e së enjtes do të finalizohet me një rezolutë për shkarkimin e Metës:
“Vendimi i presidentit ishte i pritshëm! Ne jemi republikë parlamentare, jo presidenciale. Ndaj asgjë s’na ndal të vijojmë përpara me 30 qershorin. Të enjten debat shume i gjatë parlamentar, të shpalosim të gjitha argumentet kundër këtij vendimi. E enjtja do të finalizohet me rezolutë për shkarkimin e presidentit.”
Nga ana tjetër, kryesocialisti Rama është shprehur i vendosur për zhvillimin e zgjedhjeve më 30 qershor.
“Duhet të fokusohemi tek 30 qershori. Jemi në mes të lojës. Pas debatit çështja diskutohet në KQZ e më pas do kalojë në kolegj. Fokusi jonë 30 qershori, jemi në mesin e lojës!”
