Ish-deputeti i PD, Klevis Balliu, ka lëshuar një deklaratë të fortë ndaj Ramës, teksa ndodhej jashtë ambienteve të Drejtorisë së Policisë së bashku me mbështetës të tjerë të opozitës.
Ai ka apeluar ndaj të gjithë qytetarëve, që kudo ku të hasin Ramën, ta marrin zvarrë dhe ta hedhin në koshin e plehrave. Balliu shtoi më tej se vendi ndodhet në një gjendje të jashtëzakondshme, në një gjendje lufte.
“Duhet denoncuar dhuna e ushtruar me urdhër politik, direkt të Edi Ramës iu sulën si qen të tërbuar Sait Dollapit, i cili në çdo protestë ka marrë masat për të mbrojtur policët.
Meqë i ka kërkuar të grushtojë qytetarët, unë u bëj thirrje qytetarëve, që kudo ta shohin ta marrin zvarrë dhe ta hedhin në koshin e plehrave, ku e ka vendin një fundërrinë si Edi Rama.
Nuk do shijoj pensionin që do ta nxjerrin qytetarët, por në dyert e gjykatave dhe aty do i harxhoj paratë, e do përfundojë në burg. Këtu nuk ka protestë, por revoltë kombëtare. Jemi në një gjendje të jashtëzakonshme, gjendje lufte, kryeministri u ka shpallur luftë qytetarëve, këtu nuk kemi dot një parashikim.
Ne nuk do ia falim dhe nuk do ia harrojmë lotët që u ka nxjerrë nënave shqiptare, arrestimet dhe dhunimet.
Nesër vazhdon lufta. Lufta kundër atij që ka uzurpuar vendin, që ka dhunuar popullin.
Ditën që u arrestova unë, furgoni jonë u shkëmbye me furgonin që po dilte nga policia, ku ishin brenda tij Bajrajt. Ata po liroheshin dhe unë me banorët e ‘Unazës’ po futeshim brenda”, tha Balliu.
