Mijëra përkthyes afganë dhe stafi tjetër që punoi për forcat britanike, kanë të drejtë të vijnë në Mbretërinë e Bashkuar, por shumë prej tyre janë të bllokuar në aeroportin e Kabulit, ndërsa përpiqen të largohen nga talebanët.
Një burrë – i cili nuk mund ti përmendet emri, për të mbrojtur sigurinë e tij, sepse punoi me forcat britanike si përkthyes – i tha BBC -së se ai ishte bllokuar në turmat jashtë aeroportit.
Ai tha se kishte pritur gati 12 orë te porta, për përkthyesit britanikë. “Unë jam këtu me fëmijët e mi, me gruan time, por nuk ka asnjë mënyrë që ne të hyjmë dhe të pyesim dikë se çfarë po ndodh me ne, me rastin tim”.
“Ka qindra përkthyes të tjerë dhe jeta e tyre është në rrezik, dhe e ardhmja e tyre është shumë e pasigurt. Kështu që unë mendoj se jemi në ferr. Dhe ju jeni duke pritur për 14 ose 15 orë pa ujë, pa ushqim. Arsyeja pse po vuani të gjitha këto, sepse keni punuar për ushtrinë britanike, sepse keni punuar për të huajt”.
Burimi i lajmit: BBC. Përshtatur nga Tirana Today
