Mjeku Tritan Kalo, anëtar i komitetit teknik të epidemisë së shkaktuar nga koronavirusi, i mëshon fort faktit se shqiptarët duhet të jenë vigjilentë, pasi jemi ende larg fitores.
Ai i’u drejtohet të gjithë qytetarëve, se të gjitha kërkesat e parashtruara nga shteti duhen respektuar. E po kështu nuk duhet abuzuar me fashën orare.
Sipas tij, ne jemi ende larg fitores, prandaj kërkon që të respektohen maksimalisht masat shtrënguese, si rruga e vetme për të parandaluar përhapjen e COVID-19.
Tritan Kalo kërkon që qytetarët anembanë vendit të dëgjojnë këshillat e specialistëve, për t’ia dalë mbanë me sa më pak rrezik.
Deri më tani në vendin tonë rezultojnë të infektuar 433 persona, ndërkohë janë shënuar 24 viktima. Sakaq, 217 persona kanë fituar betejën me COVID-19. Ministria e Shëndetësisë njoftoi një ditë më parë, se në 24 orët e fundit janë shënuar 17 raste të reja, ku edhe janë ‘rizgjuar’ vatrat në Pukë, Lushnje, Fier dhe Krujë. Tirana, Durrësi dhe Shkodra ngelen ende ‘vatra të nxehta’.
Statusi
DURIM, durim dhe vetëm durim…..PËRSËRITJA mbetet mama e dijes, dhe aspak baba e mërzitjes….Jemi ende larg së të thirrurit FITORE….Vetëizolimi, distancimi fizik, higjena vetjake dhe ajo kolektive, ushqimi, ajrimi i mjedisive tona, rehidrimi po fillojnë të na shpërblehen, POR me orët e “liridaljes” nuku duhet abuzuar….UDHËT e Tiranës zhurmojnë dhe t’a thyejnë pak zemrën ku sheh pamje si më poshtë…..Në spital me infermjeret tona duararta e fjalëpakë të Pavjonit të parë, Mirën e Lulin si dhe me Agimin, i cili po përballet me Sars-Coc2/Covid-19 dhe këmbëngul që të bëjmë një foto së bashku….Fjalët në mesazhin e tij që bashkëshoqërojnë foton me të, janë prekëse dhe përmbajnë shumë mirënjohje: “Më bërë ta shijoj këtë shkëlqim dielli në dritaren time. Përqafime me mirënjohje të thellë.”…. DËGJONI vetëm këshillat e specialistëve dhe jo ato të gjithologëve, për të mirën e shëndetit tuaj fizik dhe mendor….JU DUAM shumë, POR edhe ju duhet të doni më shumë veten tuaj, si dhe të respektoni përkushtimin e punën tonë….BASHKË ME SIGURI do ja dalim mbanë!!!
