Kryetari i BDI-së, Ali Ahmeti, shprehet se partia e tij është fituesja absolute e zgjedhjeve të parakohshme në Maqedoninë e Veriut.
Në një prononcim për mediat, Ahmeti tha se BDI ka marrë mbi 100 mijë vota, duke siguruar 12 deputetë në Kuvendin e ri maqedonas.
Sipas tij, BDI është në rrugën e duhur për të siguruar mandatin e 13.
“Jemi fitues absolut të zgjedhjeve. Kemi siguruar 100 mijë vota dhe 12 mandate dhe jemi për mandatin e 13. Edhe njëherë do të doja nga zemra t’ju falënderoj dhe suksese se tashmë na presin detyra të mëdha”, tha ai.
