Pandemia është kthyer në një çështje mjaft të nxehtë për politikën shqiptare. Nga ana e qeverisë thuhet se janë të gjitha kapacitetet për të pritur të infektuarit, e ndërsa nga ana e opozitës shprehen ankesat se situata është në kolaps.
Një ditë më parë, Rama paralajmëroi se para kemi një sfidë të madhe, ndaj të gjithë duhet të ndërgjegjësohen. Por të gjithë akuzave të ardhura në adresë të qeverisë nga opozita, sot në mbrëmje kryeministri Rama ka zgjedhur ti përgjigjet në “Open”. Kreu i qeverisë do të trajtojë një sërë çështjesh sensitive nga pandemia, marrëveshja me naftëtarët etj.
“SONTE NË “OPEN” me Eni Vasilin, për realitetin e gjendjes së spitaleve, aktualitetin e pandemisë, projektet e Rilindjes që vazhdon në çdo zonë të prekur nga tërmeti, finalizimin e marrëveshjes nesër me naftëtarët si edhe programin masiv të investimeve në infrastrukturë, turizëm, energji, digjitalizim dhe shëndetësi e arsim natyrisht…”.
