Reshjet e shiut, ulja e temperaturave na bëjnë të besojmë se po mirëpresim stinën e vjeshtës, dhe jo atë të verës. Shtrëngatat do të mbeten prezente në pjesën më të madhe të vendit, dhe përmirësimet e motit duket të jenë të largëta. Edhe java në vazhdim karakterizohet nga reshjet e shiut.
Sot pasdite (e mërkurë dt.08) nuk priten reshje. Nesër (e enjte dt.09) në fund të ditës priten reshje, në përgjithësi të dobëta, ndërsa në qarkun Shkodër dhe Kukës deri lokalisht mesatare. Ekziston mundësia që në zona të kufizuara reshjet të jenë në formë shtrëngate dhe me rrufe me kohëzgjatje të shkurtër, më të mundshme në terrenet malore (dhe ato pranë tyre) në Veri-Perëndim.
TEMPERATURAT
Nesër (e enjte dt.09) temperaturat minimale dhe maksimale të ajrit pritet të arrijnë:
në bregdet: 10 / 20 °C
në vendet e ulëta: 7 / 20 °C
në vendet malore: 4 / 16 °C
ERA
Sot pasdite (e mërkurë dt.08) era pritet të fryjë e lehtë deri mesatare, ndërsa nesër (e enjte dt.09) era pritet të fryjë mesatare deri e fortë në bregdet dhe në zonat malore.
