E martë, 27 Korrik, 2021
35.5 C
Tirana

Japonia do të mbyllë të gjitha shkollat për parandalim të koronavirusit

Japonia do të kërkojë mbylljen e të gjithave shkollave nga dita e hënë për të parandaluar përhapjen e koronavirusit të ri, ka thënë kryeministri japonez, Shinzo Abe.

Ky vendim, që pritet të prekë 13 milionë nxënës, pritet të vazhdojë derisa të përfundojë faza e parë e vitit shkollor në fund të muajit mars.

Udhëheqësi i Organizatës Botërore të Shëndetësisë, Tedros Ghebreyesus ka thënë se shpërthimi i këtij virusi ka arritur “në pikë vendimtare” dhe se ka “potencial pandemik”.

Për të dytën ditë me radhë, është shtuar numri i rasteve të raportuara jashtë Kinës.

Tedros u ka bërë thirrje qeverive që të veprojnë me shpejtësi për të ndalur virusin.

“Tani nuk është koha për frikë. Tani është koha për të vepruar ashtu që të ndalet infeksioni dhe të shpëtohen jetët e njerëzve”, ka thënë ai.

Çfarë duhet të dini për koronavirusin e ri?

Deri më tani, më shumë se 200 persona janë infektuar me koronavirusin e ri në Japoni.

Një grua, në të dyzetat e saj në Osaka është thënë të jetë infektuar për herë të dytë me këtë virus pas shërimit.

Rastet e para me koronavirus janë shfaqur në Vuhan të Kinës në muajin dhjetor.

Që atëherë, numri i të prekurve në gjithë botën ka kaluar 80,000, ndërsa mbi 2,700 pacientë kanë vdekur – shumica e tyre në Kinë.

Shenjat kryesore të infektimit me koronavirus janë temperatura e lartë, kolla dhe vështirësitë në frymëmarrje. /Rel

- Reklama -

Më shumë nga kategoria




Të fundit

Pesë të zhdukur, 16 të plagosur në shpërthimin e fabrikës kimike gjermane

Një shpërthim në një fabrikë kimike në qytetin perëndimor gjerman të Leverkusenit, të martën në mëngjes, shkaktoi një zjarr në një depozitë që përmbante...

E rëndë në Shkodër, 7-vjeçarja mbytet në lumin Buna

Një ngjarje e rëndë ka ndodhur mesditën e Shkodrës, ku një 7-vjeçare është futur për t'u larë në lumin Buna, por fatkeqësisht u mbyt....

Euro bie nën 122 lekë, vlera më e ulët që nga janari 2020

Kursi i këmbimit të euros me lekun vazhdon të rënien dhe të martën shënoi vlerën më të ulët që nga fillimi i vitit 2020. Sipas...

Integrimi/ Zaev ironizon BE-në: Kur të jenë gati, të na lajmërojnë

Kryeministri i Maqedonisë së Veriut, Zoran Zaev ka ironizuar Bashkimin Europian, në lidhje me vendimin për të mos hapur negociatat, për shkak të vetos...

Juventus/ Alegri prezantohet, për Ronaldon dhe Dybalën vit i rëndësishëm

Gjatë konferencës për shtyp Alegri foli për dy lojtarë kyç tek bardhezinjtë, për Dybalën dhe Ronaldon: “Ronaldo është një kampion i madh, një djalë...