Rritet numri i të infektuarve me koronavirus në anijen “Diamond Princess”, e cila është në karantinë në brigjet e Japonisë.
Mediat e huaja bëjnë me dije se 6 persona të tjerë janë diagnostifikuar me koronavirusin vdekjeprurës, duke e çuar në 70 numrin total të infektuarve.
Ndërkohë nuk është bërë i ditur ende nacionaliteti i personave të infektuar. Rasti i kësaj anijeje ka bërë që disa porte të bllokojnë hyrjen e anijeve të lundrimit nga frika e përhapjes së virusit.
Sipas një numërimi të hershëm të paralajmëruar para se të nxirreshin në dritë gjashtë rastet e reja, 12 pasagjerë të diagnostikuar me koronavirus ishin amerikanë, sipas linjës së lundrimit.
Anija do të mbahet në karantinë deri më 19 shkurt.
