Në Fier vepron një grup gjobvënës i fuqishëm. Këtë detaj e ka bërë me dije gazetari Artan Hoxha, në studion e “ABC”. Ai zbuloi se grupi kriminal ka arritur të ketë akses në Drejtorinë e Tatimeve, ku merr informacion për rimbursimet në radhën e biznesit. Hoxha sqaron më tej se bota e krimit nuk e ka pasur asnjëherë të vështirë të sigurojë të dhëna sensitive. Grupi në fjalë ka akses te Drejtoria e Tatimeve. Grupi kriminal drejtohej menjëherë te biznesi, sapo ishte rimbursuar nga shteti.
“Kjo është një çështje komplekse. Disa nga vrasjet e pazbuluara që kanë ndodhur në Elbasan-Peqin-Rrogozhinë, viktimat kanë qenë shtetas që sapo kanë ardhur nga jashtë. Që do të thotë se autorët e vrasjeve kanë pasur akses në sistemin Tims dhe çdo punonjës policie që hyn aty lë në gjurmë.
Vrasje që kanë pasur objektiv shtetas që sapo kanë ardhur në Shqipëri. Informon, kanë marrë brenda radhëve të shtetit. Bota e krimit nuk e ka pasur asnjëherë të vështirë të sigurojë të dhëna sensitive.
Në Fier, gjoba u vendosen biznesmenëve, është një nga krimet që nuk po u i gjendet zgjidhje. Një grup kriminal shumë i fuqishëm kishte akses te Drejtoria e Tatimeve dhe merrte vesh se cila nga bizneset do TVSH. Ai që merrte mbi 500 milion e lartë, ata i çonin faturë. Ata po i vinin gjobë dikujt që i kishte ato para. Nga e dinin ata, sepse drejtoheshin menjëherë te biznesi sapo ishte rimbursuar nga shteti,” deklaroi gazetari, teksa komentoi publikimin e të dhënave të qytetarëve.
