Drejtori i përgjithshëm i Policisë së Shtetit, Haki Çako në një deklaratë për mediet kur u pyet për përdorimin e parave të pista gjatë fushatës elektorale. Ai u shpreh se s’ka asnjë denoncim në adresë të policisë.
“Policia ka qenë transparente si asnjëherë tjetër. Rastet e denoncuar në adresë të policisë janë thuajse zero”, tha Çako.
Ndër të tjera Çaki tha se “policia mori një sërë masash me qëllim ruajtjen e rendit para gjatë dhe pas procesit zgjedhor. Po ashtu u vu numri i gjelbër për qytetarët për të denoncuar krimet zgjedhore 7040 punonjës policie u angazhuan për procesin zgjedhor. Gjatë periudhës së fushatës zgjedhore janë hetuar dhe po hetohen 44 vepra penale, u proceduan 87 persona për krim elektoral, arrestuat dhe 7 persona në kërkim. 19 procedim penal për korrupsion aktiv në zgjedhje. Po ashtu nga periudha nga 26 maj -25 qershor, 69 vepra penale që prekin zgjedhjet e lira, të cilat janë në hetim. Me 25 qershor janë proceduar 25 procedime penale dhe janë shoqëruar ne polici 27 persona. Korrupsion aktiv 10 raste”
